shree krishna ashtottara shatanama stotram in telugu

 శ్రీ కృష్ణాష్టోత్తరశతనామస్తోత్రం

శ్రీకృష్ణః కమలానాథో వాసుదేవః సనాతనః |
వాసుదేవాత్మజః పుణ్యో లీలామానుషవిగ్రహః || ౧ ||

శ్రీవత్సకౌస్తుభధరో యశోదావత్సలో హరిః |
చతుర్భుజాత్తచక్రాసిగదాశంఖాంబుజాయుధః || ౨ ||

దేవకీనందనః శ్రీశో నందగోపప్రియాత్మజః |
యమునావేగసంహారీ బలభద్రప్రియానుజః || ౩ ||

పూతనాజీవితహరః శకటాసురభంజనః |
నందవ్రజజనానందీ సచ్చిదానందవిగ్రహః || ౪ ||

నవనీతవిలిప్తాంగో నవనీతనటోzనఘః |
నవనీతనవాహారో ముచుకుందప్రసాదకః || ౫ ||

శుకవాగమృతాబ్ధీందుర్గోవిందో యోగినాంపతిః |
వత్సవాటచరోzనంతో ధేనుకాసురభంజనః || ౬ ||

తృణీకృతతృణావర్తో యమళార్జునభంజనః |
ఉత్తాలతాలభేత్తా చ తమాలశ్యామలాకృతిః || ౭ ||

గోపీగోపీశ్వరో యోగీ సూర్యకోటిసమప్రభః |
ఇళాపతిః పరంజ్యోతిర్యాదవేంద్రో యదూద్వహః || ౮ ||

వనమాలీ పీతవాసాః పారిజాతాపహారకః |
గోవర్ధనాచలోద్ధర్తా గోపాలః సర్వపాలకః || ౯ ||

అజో నిరంజనః కామజనకః కంజలోచనః |
మధుహా మథురానాథో ద్వారకానాయకో బలీ || ౧౦ ||

బృందావనాంతసంచారీ తులసీదామభూషణః |
శమంతకమణేర్హర్తా నరనారాయణాత్మకః || ౧౧ ||

కుబ్జాకృష్ణాంబరధరో మాయీ పరమపూరుషః |
ముష్టికాసురచాణూరమల్లయుద్ధవిశారదః || ౧౨ ||

సంసారవైరీ కంసారిర్మురారిర్నరకాంతకః |
అనాదిర్బ్రహ్మచారీ చ కృష్ణావ్యసనకర్షకః || ౧౩ ||

శిశుపాలశిరచ్ఛేత్తా దుర్యోధనకులాంతకః |
విదురాక్రూరవరదో విశ్వరూపప్రదర్శకః || ౧౪ ||

సత్యవాక్ సత్యసంకల్పః సత్యభామారతో జయీ |
సుభద్రాపూర్వజో విష్ణుర్భీష్మముక్తిప్రదాయకః || ౧౫ ||

జగద్గురుర్జగన్నాథో వేణువాద్యవిశారదః |
వృషభాసురవిధ్వంసీ బాణాసురబలాంతకృత్ || ౧౬ ||

యుధిష్ఠిరప్రతిష్ఠాతా బర్హిబర్హావతంసకః |
పార్థసారథిరవ్యక్తో గీతామృతమహోదధిః || ౧౭ ||

కాళీయఫణిమాణిక్యరంజితశ్రీపదాంబుజః |
దామోదరో యజ్ఞభోక్తా దానవేంద్రవినాశకః || ౧౮ ||

నారాయణః పరంబ్రహ్మ పన్నగాశనవాహనః |
జలక్రీడాసమాసక్తగోపీవస్త్రాపహారకః || ౧౯ ||

పుణ్యశ్లోకస్తీర్థకరో వేదవేద్యో దయానిధిః |
సర్వతీర్థాత్మకః సర్వగ్రహరూపీ పరాత్పరః || ౨౦ ||

ఇత్యేవం కృష్ణదేవస్య నామ్నామష్టోత్తరం శతమ్ |
కృష్ణేన కృష్ణభక్తేన శ్రుత్వా గీతామృతం పురా || ౨౧ ||

స్తోత్రం కృష్ణప్రియకరం కృతం తస్మాన్మయా పురా |
కృష్ణనామామృతం నామ పరమానందదాయకమ్ || ౨౨ ||

అనుపద్రవదుఃఖఘ్నం పరమాయుష్యవర్ధనమ్
దానం శ్రుతం తపస్తీర్థం యత్కృతం త్విహ జన్మని || ౨౩ ||

పఠతాం శృణ్వతాం చైవ కోటికోటిగుణం భవేత్ |
పుత్రప్రదమపుత్రాణామగతీనాం గతిప్రదమ్ || ౨౪ ||

ధనావహం దరిద్రాణాం జయేచ్ఛూనాం జయావహమ్ |
శిశూనాం గోకులానాం చ పుష్టిదం పుష్టివర్ధనమ్ || ౨౫ ||

వాతగ్రహజ్వరాదీనాం శమనం శాంతిముక్తిదమ్ |
సమస్తకామదం సద్యః కోటిజన్మాఘనాశనమ్ || ౨౬ ||

అంతే కృష్ణస్మరణదం భవతాపభయాపహమ్ |
కృష్ణాయ యాదవేంద్రాయ జ్ఞానముద్రాయ యోగినే |
నాథాయ రుక్మిణీశాయ నమో వేదాంతవేదినే || ౨౭ ||

ఇమం మంత్రం మహాదేవి జపన్నేవ దివానిశమ్ |
సర్వగ్రహానుగ్రహభాక్ సర్వప్రియతమో భవేత్ || ౨౮ ||

పుత్రపౌత్రైః పరివృతః సర్వసిద్ధిసమృద్ధిమాన్ |
నిర్విశ్య భోగానంతేపి కృష్ణసాయుజ్యమాప్యునాత్ || ౨౯ ||

telugu padyalu

ashtalakshmi stotram in telugu

  అష్టలక్ష్మీస్తోత్రం

 || ఆదిలక్ష్మీ ||
సుమనసవందిత సుందరి మాధవి చంద్రసహోదరి హేమమయే |
మునిగణమండిత మోక్షప్రదాయిని మంజుళభాషిణి వేదనుతే ||
పంకజవాసిని దేవసుపూజిత సద్గుణవర్షిణి శాంతియుతే |
జయజయ హే మధుసూదనకామిని ఆదిలక్ష్మి సదా పాలయ మామ్ || ౧ ||

 || ధాన్యలక్ష్మీ ||
అహికలికల్మషనాశిని కామిని వైదికరూపిణి వేదమయే |
క్షీరసముద్భవ మంగళరూపిణి మంత్రనివాసిని మంత్రనుతే ||
మంగళదాయిని అంబుజవాసిని దేవగణాశ్రిత పాదయుతే |
జయజయ హే మధుసూదనకామిని ధాన్యలక్ష్మి సదా పాలయ మామ్ || ౨ ||

 || ధైర్యలక్ష్మీ ||
జయవరవర్ణిని వైష్ణవి భార్గవి మంత్రస్వరూపిణి మంత్రమయే |
సురగణపూజిత శీఘ్రఫలప్రద జ్ఞానవికాసిని శాస్త్రనుతే ||
భవభయహారిణి పాపవిమోచని సాధుజనాశ్రిత పాదయుతే |
జయజయ హే మధుసూదనకామిని ధైర్యలక్ష్మి సదా పాలయ మామ్ || ౩ ||

 || గజలక్ష్మీ ||
జయ జయ దుర్గతినాశిని కామిని సర్వఫలప్రద శాస్త్రమయే |
రథగజతురగపదాదిసమావృత పరిజనమండిత లోకనుతే ||
హరిహరబ్రహ్మసుపూజితసేవిత తాపనివారిణి పాదయుతే |
జయజయ హే మధుసూదనకామిని గజలక్ష్మి రూపేణ పాలయ మామ్ || ౪ ||

 || సంతానలక్ష్మీ ||
అహిఖగ వాహిని మోహిని చక్రిణి రాగవివర్ధిని జ్ఞానమయే |
గుణగణవారిధి లోకహితైషిణి స్వరసప్తభూషిత గాననుతే ||
సకల సురాసుర దేవమునీశ్వర మానవవందిత పాదయుతే |
జయజయ హే మధుసూదనకామిని సంతానలక్ష్మి త్వం పాలయ మామ్ || ౫ ||

 || విజయలక్ష్మీ ||
జయ కమలాసని సద్గతిదాయిని జ్ఞానవికాసిని గానమయే |
అనుదినమర్చిత కుంకుమధూసరభూషిత వాసిత వాద్యనుతే ||
కనకధరాస్తుతి వైభవ వందిత శంకరదేశిక మాన్య పదే |
జయజయ హే మధుసూదనకామిని విజయలక్ష్మి సదా పాలయ మామ్ || ౬ ||

 || విద్యాలక్ష్మీ ||
ప్రణత సురేశ్వరి భారతి భార్గవి శోకవినాశిని రత్నమయే |
మణిమయభూషిత కర్ణవిభూషణ శాంతిసమావృత హాస్యముఖే ||
నవనిధిదాయిని కలిమలహారిణి కామిత ఫలప్రద హస్తయుతే |
జయజయ హే మధుసూదనకామిని విద్యాలక్ష్మి సదా పాలయ మామ్ || ౭ ||

 || ధనలక్ష్మీ ||
ధిమిధిమి ధింధిమి ధింధిమి ధింధిమి దుందుభి నాద సుపూర్ణమయే |
ఘుమఘుమ ఘుంఘుమ ఘుంఘుమ ఘుంఘుమ శంఖనినాద సువాద్యనుతే ||
వేదపురాణేతిహాస సుపూజిత వైదికమార్గప్రదర్శయుతే |
జయజయ హే మధుసూదనకామిని ధనలక్ష్మి రూపేణ పాలయ మామ్ || ౮ ||